VERKSMIÐJA

Mekatróník er að ryðja sér meira til rúms í heiminum og er hluti af því sem er kallað 4. Iðnbyltingin. Áfangarnir eru verklegur vettvangur þar sem forritun skarast við vélbúnað.

Verksmiðja I

Farið er í grunnatriðin í rafmagnsfræði og vélfræði. Nemendur læra undirstöðuatriði í lóðun og smíða einfaldar vélar úr mismunandi efnivið. Unnið er með teikni- og hönnunarforrit fyrir framleiðslu frumgerðar (3D prentun og laserskurð).

Verksmiðja II

Í áfanganum er lögð áhersla á tækjasmíði þar sem rafeindabúnaður er notaður við smíðina og forritun með C/C++. Nemendur vinna með örgjörvaborð (arduino) og kynnast rökrásum og íhlutum í rafrásum. Skoðuð eru samskipti milli örgjörvaborða.

Verksmiðja III

Viðfangsefni áfangans er internet hlutanna (e.IoT) sem er samþætting tækja og hugbúnaðar tengda netinu, sem geta greint gögn og upplýsingar úr umhverfinu og miðlað þeim. Unnið er með inntaksgögn frá skynjurum, stýrikerfi, forritun og framsetningu gagna. Nemendur fást við frumgerðasmíð.


Dæmi um verkefni nemenda:

Jólasveinn
Mekatróník I

Arduino hulstur
Mekatróník I

Geymslukassi
Mekatróník I